Nemendur í Engidalsskóla
Í vetur eru um 230 nemendur í skólanum.
Skólinn er staðsettur í hrauninu í Engidal, umvafinn mjög fjölbreyttum náttúrulegum og manngerðum svæðum til gagns og ánægju fyrir þá sem í honum nema og starfa.
Foreldrar nemenda í 1. - 4. bekk gefst kostur á að kaupa vistun í Álfakoti sem er frístundarheimili staðsett á neðri hæð skólans.
Hlutverk grunnskólans er ákvarðað í Lögum um grunnskóla og þar segir í 2. grein: „Hlutverk grunnskólans, í samvinnu við heimilin, er að búa nemendur undir líf og starf í lýðræðisþjóðfélagi sem er í sífelldri þróun”.
Í Engidalsskóla er lögð áherslu á að undirbúa nemendur undir framtíðina á lýðræðislegan hátt.
Leiðarljós Engidalsskóla eru:
Ábyrgð – Virðing – Vellíðan
Þau marka starfsáætlun skólans.
Við fögnum fjölbreytileikanum og komum til móts við
ólíkar þarfir nemenda með skiptingu árgangs í minni námshópa og með því að hafa
viðfangsefni fjölbreytt og einstaklingsmiðuð. Með
því teljum við að lagður sé grundvöllur að sjálfstæðri hugsun nemenda og hæfni
þeirra til samstarfs við aðra sem og búi þá undir líf og starf lýðræðisþjóðfélagi.
- Eldri færsla
- Nýrri færsla