Foreldrafélagið í samstarfi við skólann býður til síðdegisfundar með Heimili og skóla miðvikudaginn 15. janúar kl. 17:30. Sigurjón frá Heimili og skóla mun koma og fræða okkur um foreldrasamstarf og mikilvægi þess og munu svo foreldrar fara í stuttar vinnustofur þar sem gerður verður farsældarsáttmáli í hverjum bekk í því skyni að forma samstarf sín á milli og styrkja foreldrastarfið. Rannsóknir hafa sýnt fram á forvarnargildi samstíga foreldrahóps auk þess sem foreldrar gegna mikilvægu hlutverki að styðja við og stuðla að góðri menningu innan barnahópsins. Teljum við mikilvægt að allir nemendur hafi sinn fulltrúa á fundinum og hvetjum við ykkur því til að taka frá daginn í þessa mikilvægu vinnu, okkur foreldrum og börnunum okkar til heilla. Áætlað er að fundurinn sé um 1,5 klst. Léttar veitingar í boði. Hér má finna slóð á viðburðinn. Deila Tísta
