Góð samskipti milli heimilis og skóla eru lykilatriði þegar kemur að námi og því sem fer fram í skólanum. Áhugi foreldra á náminu og skólastarfinu í heild er hvatning fyrir alla aðila, nemendur, kennara og foreldra. Samstarf heimila og skóla er virkt alla daga skólaársins á ýmsan máta en fjórum sinnum á ári er sérstakur dagur ætlaður í foreldrasamráð, sjá skóladagatal. Þá mæta foreldrar með sínu barni til viðtals við umsjónarkennara. Hægt er að óska eftir viðtali við aðra kennara sem kenna barninu. Samstarf foreldra og skóla Á hverju hausti eru kynningarfundir fyrir foreldra um nám og kennslu vetrarins strax á eftir skólasetningu. Verið er að innleiða líðanfundi samhliða þeim. Foreldrasamráð fjórum sinnum á ári. Skólaráð fundar að 4–6 sinnum að vetri. Foreldrafélagið fundar reglulega allt skólaárið. Póstur er sendur heim vikulega um skólastarfið ásamt upplýsingum um skólasókn nemenda. Fréttabréf send heim mánaðarlega þar sem greint er frá skólastarfinu auk ýmis konar fróðleiks og fræðslu. Foreldrum boðið á uppákomur sem nemendur sjá um, eins og samveru og árshátíð.
