Mikil framför og aukin vellíðan Þegar niðurstöðurnar eru skoðaðar kemur í ljós eftirtektarverð framför á mörgum sviðum frá fyrra ári. Vellíðan nemenda mælist nú 5,2 á meðan landsmeðaltalið er 4,6. Þetta er tölfræðilega marktækur munur og sýnir að nemendum okkar líður almennt mjög vel. Þá hefur þrautseigja í námi aukist til muna og ánægja af náttúrufræði sömuleiðis, en þar hoppar skólinn úr 3,6 í 4,9 á milli ára.

Öruggt skólaumhverfi og trú á eigin getu Einn af styrkleikum skólans er lágt hlutfall eineltis, en aðeins 9,8% nemenda hafa upplifað einelti á síðustu 30 dögum samanborið við tæp 16% á landsvísu. Þetta sýnir að eineltisvarnir okkar og skýr eftirfylgni eru að virka. Samhliða þessu mælist sterk trú nemenda á eigin námsgetu, eða 5,3 á móti 4,9 á landsvísu. Þessar vísbendingar um sterka sjálfsmynd okkar nemenda er lykilatriði fyrir áframhaldandi námsárangri og persónulegum þroska.

Við erum ótrúlega stolt af nemendum okkar og hvetjum alla til að halda áfram að hlúa að þessum góða anda. Saman gerum við Engidalsskóla að frábærum stað til að læra og vaxa!